Dr. Ayhan Kuzu

Ankara Universiteti Tibb Fakultəsinin Ümumi Cərrahiyyə Kafedrasının Professoru vəzifəsində çalışıram. Evliyəm,iki uşağım var.

Təhsili

11963-cü ildə Ankarada anadan olmuşam. İlk, orta və lisey təhsilimi Turk Egitim Dərnəyi (TED) Ankara Kolecində bitirmişəm. 1986-cı ildə Ankara Univresiteti Tibb Fakultəsinin fərqlənmə diplomu ilə məzunu olmuşam.

Çalışma

Eyni ildə imtahanda birincilik qazanaraq , Ankara Univresiteti Tibb Fakultəsinin Ümumi Cərrahiyyə Kafedrasında tədqiqatçı olaraq əmək fəaliyyətinə başladım..

1991-1992-ci illərdə isə İngiltərədə Leeds Universiteti Tibb Fakultəsi Ümumi Cərrahiyə bölümündə ümumi cərrah və tədqiqatçı assitent olaraq işlədim. Leeds Universitetində olduğum müddətdə bağırsaq xərçənginin cərrahi müalicəsində istifadə olunan əməliyyat texnikalarını, eyni zamanda yoğun və düz bağırsaq xərçənginin cərrahi müalicəsində xəstənin sagalmasını və ömrünü uzadan əməliyyat texnikalarının incəliklərini öyrəndim. Xüsusən, düz bağırsaq xərçəngində əməlliyatdan sonra stoma ilə deyil, normal yolla defeksiyanı təmin edən, anal bölgəni qoruyan intersfinkterik rezeksiyaları və kolo-anal anastomoz texnikaları üzərində çalışdım. Bunlarla bərabər mədə xərçəngində tətbiq olunan radikal limfa disseksiyası, xoralı kolit və ailəvi polipozis də(FAP-Polipozis koli) tətbiq olunan ileal rezervuar anal anastamoz (restorativ prokto kolektomiya) əməliyytalarının texnikasını öyrəndim. Eyni zamanda son illərdə geniş yayılmış və bütün qarın boşluğu əməliyyatlarında qapalı əməliyyat etməyi təmin edən laparoskopik metodlar üzrə də təhsil alaraq , bu təhsil sonrası Leeds Universitetindən “LaparoskopikCerrahi Eğitim” sertifikatına layiq görüldüm. Eyni vaxtda tədqiqatçı assistent olaraq anal bölgəni kontrol edən əzələlərin və bağırsağın defekasiya funksiyalarını dəyərləndirən ano-rektal fiziologiya laboratoriyasında çalışdım. İngiltərədə olduğum müddətdə tamamladığım 9 tədqiqat işini müxtəlif beynəlxalq toplantılarda təqdim etdim.

1993–cü ildən Ümumi Cərrahiyyə ixtisası üzrə mütəxəsisəm.

1998ci-ildən isə Ankara Univresitetinin Ümumi Cərrahiyə kafedrasında mütəxəsis cərrah olaraq işə başlayaraq, 1999-cu noyabr ayında Dosent, 2005-ci ilin may ayında isə kafedranın Professoru oldum.

Məqalə və layihələr

Bu günə qədər 77-si beynəlxalq olmaq üzərə, toplam 152 məqaləm var. Eimi məqalələrlə yanaşı beynəlxalq konfranslarda dəvətli məruzəçi və panelist olmaqla dəfələrlə ölkəmi təmsil etmişəm.

Ölkəmizdə və xaricdə kolorektal cərrahlara yönəlmiş 10 ayrı video tədris dəsti hazırlamışam.

“Total Mezorektal Eksiziyon – Otonom Sinir Koruyucu Rektum Kanseri Cerrahisi(Total Mezorektal Eksiziya-Avtonom Sinir Qoruyucu Düz bağırsaq Xərşəngi Cərrahiyyəsi) başlıqlı ilk layihəmdə , ölkəmizdəki cərrahlara düz bağırsaq xərçənginin cərrahi müalicəsində müasir yanaşmaları öyrətməq məqsədi ilə video materillardan hazırlanmış tədris dəsti hazırladım.

3 DVD ibarət “Comprehensive Step by Step Rectal Cancer Surgery” başlıqlı ikinci layihədə beynəlxalq miqyasda tanınan çox saylı alimlərlə birgə düz bağırsaq xərçənginin tədrisinin videodəstini hazırlamışam.

Bağırsağın selikli qişasını(iç divarını)dəyərləndirmək üçün istifadə olunan və bağırsaq xərçənginin qarşısı alınan bir xəstəlik olduğunu təmin edən kolonoskopiya dərsini verən üçüncü layihəm “ Kolonoskopiya Atlası” başlıqlı video görüntülü tədris dəstidir.

Dördüncü layihədə isə müxtəlif xəstələliklərin müalicəsi zamanı bağırsaqları qarnın ön divarına çıxarılan xəstə və onların yaxınlarını maarifləndirmək üçün “ Stoma ilə Yaşam” başlıqlı video görüntülü tədris dəsti hazırladım.

“Robotic Single Docking Total Mesorectal Excision” başlıqlı 5-ci layihə çərçivəsində isə, müasir texnologiyaların yardımı ilə bağırsaq əməliyyatlarında robot cərrahi texnikasının isitfadəsinə yönəlmiş tədris vəsaiti DR.Amjad Parvaizlə birlikdə hazırlanmışdır.

Son olaraq , yoğun bağırsaq xərçənginin müalicəsinin müasir prinsiplərini ifadə edən “Comprehensive Step by Step Optimised Colon Cancer Treatment” başlıqlı tədris vəsaiti bir çox ölkə alimləri ilə birlikə hazırlanaraq, təqdim olunmuşdur.

Üzvlüklər və Sertifikatlar

Türk Cərrahi, Türk Kolon və Rektum Xəstəlikləri Cərrahi, Amerikan Cərrahlar, Amerikan Kolorektal Cərrahi, Avropa Kolorektal Cərrah, Türk Gastroenteroloji , İltihabiBağırsaq Xəstəlikləri Dərnəklərinin üzvüyəm.

ABŞ-da həkim işləmə icazəsini verən ECFMG sertifikatı və Avropa Kolorektal Cərrahiyyə mütəxəssisi sənədinə sahibəm.